Манчестер Јунајтед ќе ја замени опремата во текот на летото на 2015-та година. Ова стана јасно откако досегашниот снабдувач на тимот, „Најк“ одлучи да не го продолжи договорот со клубот.
Односите меѓу „црвените ѓаволи“ и американската компанија датираат од 2002-ра година, а тогаш првичниот договор беше за 303 милиони фунти плус дополнителни приходи од продажба на дресови во целиот свет.
Според „Дејли Меил“ главен фаворит за нов снабдувач на опрема на Манчестер Јунајтед е германскиот гигант „Адидас“, кој понудил 10-годишен договор во вредност од околу 750 милиони фунти.
Манчестер Јунајтед играше во опремата на „Адидас“ од почетокот на 80-тите години на ХХ-тиот век до 1992-та година, кога „црвените ѓаволи“ се одлучија да ги носат производите на англиската фирма „Умбро“.
