Поранешниот тренер на Лацио, Фиорентина, Интер, Манчестер Сити и Галатасарај, Роберто Манчини е согласен да го преземе италијанскиот национален тим, соопштуваат локалните медиуми.
Стратегот е меѓу тројцата последни кандидати од кои дефинитивно ќе биде избран новиот тренер на „Азурите“. Другите двајца се Лучијано Спалети и Алберто Закерони.
Манчини е согласен и да ги намали своите финансиски барања, а како голем плус за неговото назначување се смета заедничката работа со ѕвездата на тимот, Марио Балотели, со кого работеа во Интер и Манчестер Сити.
Покрај согласноста на Манчини, официјална понуда до него од италијанската федерација се уште нема.
