Европскиот клупски шампион Реал Мадрид е прв според заработените пари во Лигата на шампионите во минатата сезона 2013-2014.
Шпанскиот гигант има добиено 57.4 милиони евра од најкомерцијалниот турнир во светот, вклучувајќи ги и сите бонуси од освојувњето на трофејот.
На второ место е францускиот шампион ПСЖ со 54,4 милиони евра. Парискиот тим отпадна во четвртфиналето во престижната трка. Финалистот на турнирот за минатата сезона и шпански шампион, Атлетико Мадрид, пак доби точно 50 милиони евра и е на третата позиција по овој индикатор.
Англиските Манчестер Јунајтед и Челзи, како и шпанскиот Барселона земаа по 40 милиони од учеството во Лигата на шампионите за минатата сезона.
