Селекцијата на Уругвај со победата над Италија, обезбеди пласман во осминафиналето на Светското фудбалско првенство во Бразил.
На натпреварот од последното 3.коло во Д групата одигран во Натал, фудбалерите на Уругвај со 1:0 ја победија Италија во директниот дуел за второто место во оваа група.
Стрелец на победоносниот гол за Уругвај беше Диего Годин во 81-минута.
Вториот натпревар од оваа група без резултатско значење, Коста Рика и Англија одиграа без голови 0:0.
Коста Рика со 7 бодови го освои првото место, Уругвај е втор со 6 и тоа се двете селекции кои се пласираа во осминафиналето, додека Италија со 3 бодови и Англија само со 1 бод, го завршија својот настап на Мундијалот.
Кои ќе бидат противници на Коста Рика и Уругвај во осминафиналето ќе биде познато доцна вечерва откако од 22 часот ќе се одиграа средбите од последното коло во Ц групата меѓи, Јапонија – Колумбија и Грција – Брегот на Слоновата Коска.
Во оваа конкуренција сигурен пласман меѓу шеснаесетте најдобри селекции на првенството веќе обезбеди Колумбија која има 6 бодови. За второто слободно место ќе се борат, Брегот на Слоновата коска која има 3 бодови, односно два повеќе од Јапонија и Грција (по 1 бод).
