Раководството на Атлетико Мадрид отфрли две многу привлечни понуди за централниот дефанзивец Миранда.
Според „Марка“, предлозите биле од страна на Манчестер Јунајтед и Барселона. Ниту еден од двата клуба сепак не бил подготвен да ги плати бараните 30 милиони евра од „јорганџиите“ за 29-годишниот дефанзивец.
Токму оваа сума е забележана како ослободувачка клаузула во договорот на дефанзивецот.
Барса бара централен дефанзивец по откажувањето на Карлес Пујол. Јунајтед пак не потпиша нов договор со Немања Видиќ и исто така ги разгледува можностите за нови засилувања на оваа позиција во тимот.