Белгискиот репрезентативец Маруан Фелаини може да го напушти Манчестер Јунајтед, информира весникот „Тајмс“.
Според авторитетното издание, халфот не спаѓа во плановите на новиот менаџер на „црвените ѓаволи“ Луис ван Гал.
Заради тоа од клубот се подготвени да продадат Фелаини за сума од 15 милиони фунти. Во минатото лето тој беше купен од Евертон за 27,5 милиони фунти.
Во изминатата сезона во Премиерлигата, 26-годишниот фудбалер одигра 16 натпревари за Манчестер Јунајтед во кои забележа само една асистенција. Тој рекорд го има и на 5 средби во Лигата на Шампионите.