Европскиот клупски шампион Реал Мадрид ја отфрли желбата на италијанскиот првак Јувентус за привлекување на аргентинскиот репрезентативец Анхел ди Марија.
Генералниот директор на „бјанконерите“ Бепе Марота направил обид да започне преговори за крилото, но веднаш бил одбиен од претседателот на „кралскиот клуб“, Флорентино Перез.
Ди Марија одигра фантастично на финалето од Лигата на Шампионите против Атлетико Мадрид и беше избран за најдобар фудбалер во натпреварот. Така Аргентинецот ги убеди шефовите дека има место за него во составот на „белите“ и нема да биде продаден под никакви услови.
Јуве продолжува со потрагата на крило, што е желбата на тренерот Антонио Конте, кој го сака и чилеанскиот репрезентативец Алексис Санчез од Барселона, но и таму преговорите во овој момент се во застој.
