„MINI“ и италијански „Touring Superleggerа“ за овогодинешното издание на манифестацијата „Concorso d’Eleganza Villa d’Este“ подготвија многу интересна студија, и тоа во вид на модерен британски „roadster“ со влијание на италијанскиот стил.
Концептот „Mini Superleggera Vision“ е студија на елегантен и лесен спортски двосед со агилност на картинг.
Внатрешноста на ова возило е дотерана минималистички со кожа и алуминиум, како и со црни спортски седишта, дигитални инструменти и триаголен волан.
Ова уникатно возило е со „Como Blue“ бојата, а исто така привлекува големо внимание со карактеристичните предни светла и хексоаголна маска, задни светла инспирирани од британското знаме.
Тука е и електричниот погон, но конкретни детали за него, засега не се соопштени.
