Српскиот тенисер Новак Ѓоковиќ е победник на Мастерс турнирот во Рим.
Тој во финалето го совлада најдобриот светски рекет Рафаел Надал со 2:1 во сетови.
Надал подобро го почна мечот и првиот сет го доби со 6:4 во гемови откако направи серија од 4:0.
Во следните два сета Ѓоковиќ беше поуспешен и со 6:3 во двата сета стигна до победата.
Ова за Ѓоковиќ беше 19-та победа во меѓусебните дуели со Надал, а имаат одиграно вкупно 41 меч.
На последните девет Мастерс турнири во Рим, Надал победувал 6 пати, а Ѓоковиќ – 3 пати (2008, 2011 и 2014 година).
Ова е 41. титула во кариерата на Ѓоковиќ или 19-та на Мастерс турнирите.
