Луис Енрике објави дека ќе ја напушти функцијата тренер на шпански фудбалски клуб Селта на крајот на сезоната.
Луис Енрике и официјално заминува од Селта
„Сметам дека е дојден моментот да ве известам дека следната сезона нема да останам во Виго“, изјави Енрике, но не сакаше да коментира на подетални прашања за својата иднина.
44-годишниот стратег најверојатно ќе биде заменик на Херардо Мартино на кормилото на гигантот Барселона.
Интересно е дека во својата кариера како фудбалер Енрике играше на „Камп Ноу“ во периодот 1996-2004, каде пристигна од редовите на големиот ривал, Реал Мадрид.
Поранешниот шпански репрезентативец ја започнува својата тренерска кариера во вториот тим на Барселона во 2008-та година, по што една сезона го предводеше италијанскиот клуб Рома, а минатото лето ја презеде Селта. Под негово водство тимот од Виго заигра атрактивен фудбал и еден круг пред крајот го зазема осмото место на табелата во Примера, а минатата недела го победи Реал Мадрид со 2:0 и ги лиши „кралевите“ во битката за титулата.