Фудбалерот кој е баран од половина Европа, Марко Ројс, беше категоричен дека ќе остане во Борусија Дортмунд и во следната сезона.
Дури интересот на Манчестер Јунајтед и Барселона не може во овој момент да го натера германскиот репрезентативец да си замине од клубот.
„Сигурно нема да го напуштам Дортмунд. Не е потребно да објаснувам колку добро се чувствувам тука. После 10 години во школата на Борусија требаше навидум да направам чекор назад во Аален и Борусија Менхенгладбах, но пак тоа се покажаа два чекори напред. Сега пак сум во Дортмунд и се чувствувам одлично, а и имам договор до 2017-та година“, коментираше Ројс.
Неодамна неговиот поранешен соиграч Марио Гетце откри дека Ројс му признал дека има намера да премине во Манчестер Јунајтед, но според овие информации тоа нема да се случи во следната сезона.
