Новата ѕвезда на германскиот фудбал Матијас Гинтер во интервју за „Sky“ потврди, дека на крајот на сезоната ќе си замине од Фрајбург.
Според информациите 20-годишниот централен дефанзивец ќе се пресели во редовите на Борусија Дортмунд, иако официјално трансферот се уште да не е најавен.
Овој млад перспективен играч настапува во Бундеслигата уште од 18 години, а оваа сезона ги одигра сите натпревари за својот тим. Покрај тоа за три години во елитата, Гинтер добил само шест жолти картони и никогаш не бил исклучен од игра.
Поради неговите одлични перформанси во дресот на Фрајбург, талентот е во поширокиот состав на германскиот селектор Јоаким Лев за светското првенство и има реални шанси да патува за Бразил.
Според информациите Дортмунд за него ќе плати околу 8 милиони евра.
