Медимите соопштуваат Диего Коста ќе стане фудбалер на Челзи по финалето во Лигата на Шампионите помеѓу Атлетико Мадрид и Реал Мадрид.
Според информациите раководството на Челзи се согласило со барањата на Атлетико Мадрид за трансферната сума на играчот. Лондончани ќе платат 40 милиони евра за шпанскиот репрезентативец.
Истовремено, Диего Коста ги прецизирал личните услови со Челзи. Тој ќе потпише петгодишен договор со клубот и ќе добива по 4 милиони евра годишно.
Двата клуба се договориле за деталите на трансакцијата по натпреварот на „Стемфорд Бриџ“ во Лондон. На средбата присуствувал и менаџерот на Диего Коста, кој од своја страна се договорил со претставниците на Челзи за личните услови на играчот.
Не е исклучено во договорот да биде вклучен и Фернандо Торес, кој е се поблиску до враќање на „Висенте Калдерон“.
Трансферот на Диего Коста официјално ќе биде објавен по финалето во Лигата на Шампионите помеѓу тимовите на Реал Мадрид и Атлетико Мадрид кој е закажан на 24-ти мај во Лисабон.
Преминувањето на Коста на „Стемфорд Бриџ“ значи дека Челзи ќе се раздели со Самуел Ето и Демба Ба, кои ќе заминат во Тотенхем и Рома.
