Францускиот гигант ПСЖ ќе биде казнет од УЕФА со 10 милиони евра поради кршење на финансискиот ферплеј, објавија одредени медиуми. Се очекува европската фудбалска федерација да ја објави санкцијата утре (1-ви мај).
Минатата недела во интервју за француски весник претседателот на УЕФА, Мишел Платини, најави дека ниту еден тим нема да биде лишен од учество во евротурнирите поради нарушување на правилата за финансискиот ферплеј. Се очекуваше проблеми во врска со ова да имаат ПСЖ, Манчестер Сити и Монако.
Казната наметнета за ПСЖ е поради спонзорскиот договор на „светците“ со Министерството за туризам на Катар во износ од 200 милиони евра.