Миењето на автомобили обично не е толку забавно како што е претставено во филмовите, а покрај тоа може да чини многу пари, нормално доколку сакате вашето возило да изгледа чисто. Затоа „Nisѕan“ започна со тестирање на нова боја која ја одбива калта, дождот и секојдневната прашина, па возачите еднаш за секогаш би можеле да се збогуваат со миењето на својот автомобил.
Специјално развиената боја, која ја одбива водата и маслото е нанесена на новиот „Nissan Note“ со цел да се демонстрира нејзината моќ во однос на класичната боја.
Со цел што подетално да се развие за секојдневната употреба на овој производ, инженерите на „Nisѕan“ во наредните неколку месеци ќе вршат тестови во различни услови.
„Nisѕan“ е првиот во светот кој ја примени технологијата „Ultra-Ever Dry®“ која прави заштитен слој на воздух меѓу бојата и околината и ја спречува водата и нечистотијата да оставаат траги на каросеријата.
Ова не е првата ваква технологија на „Note“, затоа што на задната камера за паркирање се наоѓа функцијата „wash and blow dry“ која користи компресиран воздух за чистење на објективот.
Технологијата досега добро се покажа на тестирањата, но „Nisѕan“ е подготвен за подолг период на тестирања пред да се одлучи да ја примени во сериските модели.