„Land Rover“ претстави систем кој му овозможува на возачот со помош на камера инсталирана под маската на ладилникот практично да го види патот пред себе преку хаубата.
Идеата, која е превземена од „SF“ филмовите, е реализирана на концептот „Discovery Vision“ чија премиера е закажана за претстојниот авто-саем во Њујорк.
Според зборовите на луѓето од компанијата „Land Rover“, системот му овозможува на возачот да ги види деталите под и пред возилото, кои инаку ги сокрива хаубата, односно предниот дел на автомобилот. Како што е прикажано на промотивното видео, ова е особено корисно при теренско возење, на нагорнини кои се под голем наклон.
Системот ја користи технологијата на „head-up“ дисплеј и камери кои се поставени така што го снимаат теренот под и пред предниот дел на автомобилот.
Сликата во реално време се проектира на внатрешноста на шофершајбната со што се создава илузија дека предниот дел од возилото е проѕирен.
Од „Land Rover“ сметаат дека оваа технологија во иднина би можела да најде примена и во производните модели.