„Андалузијците“ го продаваат хрватскиот репрезентативец, за да не останат со празни раце во 2015-та година.
Фудбалерот на Севиља, Иван Ракитиќ донел одлука да не го обнови договорот со клубот. Договорот меѓу двете страни истекува следното лето.
Во таква ситуација по се изгледа дека „андалузијците“ ќе одлучат да го продадат хрватскиот репрезентативец на крајот на сезоната. Според информации во шпанскиот печат интерес кон поранешниот играч на Шалке и Базел пројавуваат Реал Мадрид, Ливерпул и Јувентус.
Хрватот е еден од најдобрите играчи во тимот на Севиља, па сега останува да се види каде тој ќе ја продолжи својата кариера, а според аналитичарите неговата цена изнесува помеѓу 15 и 20 милиони евра.
