Во „Google“ најверојатно наголемо се подготвуваат да ја освежат својата понуда за „TV“ услуга, т.е. на пазарот на претстават едноставна и подобра замена за својот прилично неуспешен „Google TV“. Како што објавија одредени медиуми, сега и официјално е потврдено тоа што претходно се предвидуваше, поточно новата услуга ќе се нарекува „Android TV“.
За разлика од „Google TV“, новиот сет-топ бокс ќе биде поедноставен за користење, а од компанијата ги признават некои од претходните грешки.
„„Android TV“ ќе биде основа за домашна забава, а не компјутерска платформа. Оваа услуга ќе биде фокусирана на лесно пронаоѓање и уживање на содржините, со што е можно помалку мака“, се вели од компанијата.
Очигледно е дека во „Google“ одлучиле да реагираат на најновите конкурентски потези, т.е. на своите корисници да им овозможат непречено уживање во содржини какви што ги нудат „Netflix“, „Roku“, „Apple TV“ и останатите.
Се уште не е познато кога оваа услуга би можела да се појави на пазарот, а од „Google“ моментално бараат програмери кои ќе изработат апликации за новата платформа. Ставот на компанијата е дека појавата на новата „TV“ услуга не би смеела да му наштети на нивниот популарен „streaming“ уред „Chromecast“.