Младинската ракометна репрезентација на Македонија со трите победи во групата 7 избори пласман на младинското Европско првенство што од 24 јули до 3 август ќе се одржи во Австрија, а познатисе и останатите учесници на овој настан.
Македонија е една од осумте првопласирани селекции што обезбеди учество.
Како победници на групите покрај Македонија се пласираа: Шпанија, Данска, Швајцарија, Франција, Словенија, Израел и Србија.
Од првите пет групи и вторпласираните ќе играат во Австрија, а тоа се селекциите на: Норвешка, Словачка, Унгарија, Белорусија и Естонија.
Директен пласман на шампионатот покрај домаќинот Австрија имаа изборено и двете најдобропласирани репрезентации Германија и Шведска од Европското првенство во 2012 година за играчи до 18 години.
Извлекувањето на групите ќе се одржи на 24 април во Линц, Австрија.
