Шампионот на Европа, Баерн Минхен ќе гостува во Манчестер против Јунајтед, ПСЖ ќе се сретне со Челзи, Барса ќе игра шпанско дерби со Атлетико, а Реал го дочекува Дортмунд во четвртфиналето од Лигата на Шампионите.
Според општото мислење осумте најсилни екипи во Европа се најдоа во ждрепката за четвртфиналето, па и пред извлекувањето беше јасно дека не очекуваат серија интересни пресметки.
Првите натпревари ќе се играат на 1/2 април, додека реваншите се закажани за една недела подоцна или на 8/9 април. Ждрепката за полуфиналето ќе се оддржи на 11-ти април.
Барселона и Атлетико за прв пат играат меѓусебе во Европа, ПСЖ и Челзи само еднаш ги одмерија силите во двомеч, Реал и Дорусија досега одиграа осум натпревари, вклучувајќи го и минатогодишното полуфинале, додека Баерн и Јунајтед играа девет пати, а еден од нив беше и финалето во 1999-та година.
59-тото финале од Лигата на шампионите ќе се игра на стадионот „Луж“ во Лисабон на 24-ти мај.
Паровите за 1/4-финалето од Лигата на Шампионите:
Барселона – Атлетико Мадрид
Реал Мадрид – Борусија Дортмунд
ПСЖ – Челзи
Манчестер Јунајтед – Баерн Минхен