Голманот на Барселона, Виктор Валдес најверојатно ова лето ќе премине во првенството на Англија, пишува францускиот весник „Екип“ . Во јуни истекува договорот на шпанскиот репрезентативец со каталонскиот клуб, но тој не сака да ја продолжи соработката и сака да ја промени средината.
Најголеми шанси за привлекување на Валдес има Манчестер Сити, каде довербата кон Џо Харт е под знак прашалник.
Раководството на „граѓаните“ веќе одржале прелиминарни преговори со Шпанецот, но сега се очекува и конечната одлука на фудбалерот, кој пред некое време изјави дека сака да ја продолжи кариерата во Англија.
Кон Валдес интерес има и од друг англиски клуб – Ливерпул, како и од францускиот Монако за кој се вели дека имаат усмен договор со голманот на Барселона.