Фудбалот можеби е најпопуларниот спорт во светот, но кога станува збор за правењето пари, неговите приходи не можат да се споредуваат со водечките американски спортови.
Дваесетте клубови од англиската Премиерлига имаат генерирано 2,4 милијарди фунти приходи (4,0 милијарди долари) во текот на сезоната 2012-13, според извештајот на „Deloitte“.
За споредба приходите на екипите од НБА се 4.6 милијарди долари, а на оние од НХЛ се 3.3 милијарди долари во Северна Америка. Тие сепак значително заостануваат зад американскиот фудбал ( 9.0-10.0 милијарди долари ) и бејзбол лигата ( 8.0-8.5 милијарди долари ), пишува „Business Insider“.
Во Северна Америка бејзбол полека ја намалува разликата со американскиот фудбал. Во 2012-та година приходите на бејзбол лигата биле 7,7 милијарди долари или 1,8 милијарди долари помалку од оние на лигата во американски фудбал. Ако се земе просекот на очекувањата за приходи за 2013-та година за двете првенства, разликата е намалена за 1,25 милијарди долари.
