Цените на акциите на американските берзи се помешани поради ескалацијата на состојбата во Украина, додека инвеститорите се во исчекување на податоците од САД за малопродажбата кои ќе бидат објавени денеска.
Dow Jones се намали за 0.07%, S&P 500 индексот порасна за 0.03%, а Nasdaq индексот се зголеми за 0.37%.
Актуелната тензија во Украина предизвика пад на продажбата на Wall Street.
Лидерите на Г-7 ја предупредија Русија да не го присвојува Крим, а доколку тоа се случи тие ќе одговорат како поодделно, така и колективно.
Азиските берзи исто така забележаа променливи резултати, пред се поради состојбата со кинеската економија.
Јапонскиот Nikkei 225 индекс се спушти за 0.1%, Hang Seng индексот од Хонг Конг се намали за 0.6%, а австралискиот ASX/200 се зголеми за 0.53%.
Малопродажбата во Кина во февруари се намали на 11.8% од 13.6% во предходниот месец, додека пак аналитичарите предвидуваа минимален пад на 13.5%.
Индустриското производство во Кина во февруари исто така се намали на 8.6%, од предходните 9,7%, иако очекувањата беа негово намалување на 9.5%.
Цените на акциите на европските берзи беа стабилни по објавувањето на разочарувачките економски извештаи од Кина.
EURO STOXX 50 падна за 0.06%, францускиот CAC 40 се зголеми за 0.02%, лондонски FTSE 100 беше понизок за 0.06%, додека пак германскиот DAX 30 зајакна за 0.31%.
