Најдобриот играч на Барселона Лионел Меси го постигна првиот гол синоќа во победата над Манчестер Сити и стана фудбалер со најмногу постигнати голови за еден клуб во Лигата на шампионите.
За Аргентинецот ова беше 67 гол во елитното натпреварување, со што го помина Раул кој за Реал Мадрид има 66 реализации, но шпанскиот интернационалец се уште води на листата најдобри стрелци со 71 погодок, бидејќи има уште пет реализации во дресот на Шалке.
Задоволен од прикажаната игра Меси по дуелот со Манчестер Сити изјави дека со пласманот во четвртфиналето првата цел била исполнета и додаде дека Барселона била повторно онаа старата какава што навивачите очекуваат да ја гледаат.
