Финалистот од Лигата на шампионите од минатата сезона, Борусија Дортмунд, ќе ги откупи правата за Нури Сахин од Реал Мадрид, соопштува „Билд“.
25-годишниот турски репрезентативец беше позајмен од „кралскиот клуб“ на „милионерите“ до летото 2015-та година, но германскиот гигант планира да го откупи за 7 милиони евра на крајот од оваа сезона. Халфот премина од Дортмунд во Реал Мадрид во 2011-та година, по што играше една сезона како позајмен и за Ливерпул. Тој има одиграно само 4 натпревари за „белите“, но не успеа да си обезбеди место во стартниот тим.
Сахин е важен дел од составот на Јирген Клоп, кој и покрај тоа што имаше несогласувања со Турчинот за време на гостувањето кај Фрајбург (1:0) минатиот викенд, кога фудбалерот беше заменет поради слабата игра.
Платата на Сахин во Дортмунд е 3 милиони евра годишно, но се очекува таа да биде зголемена, откако тој ќе биде во сопственост на „милионерите“.