Раководството на Барселона ќе реагира веднаш, откако капитенот на „каталонците“, Карлес Пујол најави дека го напушта клубот.
„Каталонците“ се надеваат на договор со дефанзивецот на Челзи, Давид Луис. 26-годишниот дефанзивец на Челзи би бил идеален заменик на Пујол, пишува британскиот „Дејли Телеграф“.
За правата на Луис „каталонците“ имаат намера да дадат 30 милиони евра. Во оваа сезона Бразилецот одигра 15 натпревари во дресот на Челзи.
Каталонскиот весник „Спорт“ пред неколку денови пишуваше дека за заменик на ветеранот се споменуваат и други имиња. А тие се, Мангала од Порто, Лапорта од Атлетик Билбао, Мусакио од Виљареал, Виергевер од АЗ Алкмар и Драгович од Динамо Киев.
