Фудбалерот на францускиот шампион ПСЖ, Блес Матуиди одлучи да ја продолжи верноста со клубот до летото 2018-та година. Актуелниот договор на халфот истекуваше на крајот на сезоната.
Матуиди беше доведен во Париз во текот на летото на 2011-та година од редовите на Сент Етиен за 7,5 милиони евра, а според новиот договор тој ќе зема поголема плата. Се очекува во следните денови неговиот пример да го следи и левиот дефанзивец Максвел.
Матуиди е меѓу стартерите во ПСЖ, иако во зимскиот преоден рок на неговата позиција беше доведен Јоан Кабај од Њукасл. Халфот досега одигра над 100 натпревари за „светците“ во сите натпреварувања.
