Томас Милер кој блеска во дресот на Баерн Минхен, иако оваа сезона добива нешто помала минутажа во споредба со претходните, е трансфер цел на Барселона, откриваат медиумите во Шпанија.
„Ел Мундо Депортиво“ тврди дека претседателот на Барса, Жосеп Бартомеу веќе дал зелено светло за трансферот и одобрил понуда од 45 милиони евра за услугите на младиот Германец.
Сепак, Барселона тешко дека ќе успее да го доведе Милер на „Камп Ноу“ бидејќи Баерн Минхен не ни размислува за продажба на својот фудбалер, а и самиот Милер е среќен во баварскиот клуб.
Милер е продукт на школата на Баерн и има валиден договор до јуни 2017-та година.
