Три имиња се споменуваат за иден селектор на Италија, кој ќе го води тимот во квалификациите за Евро 2016-та во Франција.
Актуелниот селектор Чезаре Прандели најави дека ќе се повлече од функцијата по крајот на СП 2014 во Бразил, а според италијанското издание „Тутокалчо“ кандидати да го наследат се, тренерот на Удинезе Франческо Гуидолин, тренерот на Фиорентина, Винченцо Монтана и селекторот на Русија, Фабио Капело, кој веќе го продолжи договорот до летото 2018-та година.
58-годишниот Гуидолин беше избран за тренер број 7 во историјата на Серија „А“ по стаж со 517 натпревари во првенството, а во својата кариера бил на чело уште на еден куп тимови, меѓу кои Аталанта, Болоња, Палермо, Џенова, Монако и Парма.
Винченцо Монтана од неодамна е во тренерска професија, а пред Фиорентина беше на чело на Катанија.
Се смета дека најтешката опција е Капело, кој сака да ја води Русија на домашниот Мундијал во 2018-та година. 67-годишниот легендарен стратег никогаш не го водел италијанскиот национален тим и искушението најверојатно ќе е големо. Во својата кариера бил на чело на Милан, Реал Мадрид, Рома, Јувентус и националниот тим на Англија.
Самиот Прандели за свој наследник го препорачал Луиџи ди Биаџо кој е селектор на младинската репрезентација, но тој не се наоѓа меѓу фаворитите.