Марко Верати ја изрази својата желба да остане во ПСЖ и во следната сезона, и покрај гласините кои продолжуваат да го поврзуваат со Јувентус.
Халфот постојано се споменува за трансфер во Торино, откако ја напушти Пескара во 2012-та заради ПСЖ, а според последните информации можно е тој да учествува во размената меѓу „парижаните“ и „старата дама“ за Пол Погба.
21-годишниот талент сепак не сака да ја напушти француската престолнина.
„Наредната сезона се уште ќе бидам во Париз. Во Франција сум многу среќен. Не зависи само од мене, но мојата намера е да останам“, вели младиот италијански репрезентативец.