Италијанските медиуми пишуваат дека Интер сака во летниот преоден рок во своите редови да го доведе и Патрис Евра.
Капитенот на актуелниот шампион на Англија, Немања Видиќ, од следната сезона дефинитивно ќе биде играч на „нероазурите“, а славниот милански клуб сега сака да ја засили својата одбрана и со неговиот долгогодишен колега Патрис Евра.
Спортскиот директор на Интер, Пјеро Аусилио вчера го следеше дуелот на „Емирати“ меѓу Арсенал и Манчестер Јунајтед, а во Лондон тој се сретнал и со агентот на францускиот репрезентативец.
Договорот на левиот бек на „ѓаволите“ истекува на крајот на сезоната, а менаџерот Дејвид Мојс нема да му понуди продолжување на соработката, па така и неговото име се наоѓа на листата на играчи на кои нема да смета во следната сезона.
Медиумите за иднината на Евра, најчесто шпекулираат за враќање во Франција и тоа во неговиот поранешен клуб Монако, но и во редовите на конкурентот ПСЖ. Сега во трката за неговиот потпис се вклучи и Интер.
32-годишниот Французин забележа 265 настапи за Манчестер Јунајтед во Премиер лигата, откако во 2006-та година пристигна на „Олд Трафорд“ од редовите на Монако.