Цената на златото и среброто продолжи да се зголемува од минатата недела по различните податоци од американскиот пазар на трудот кои ја зголемија неизвесноста кај инвеститорите околу иднината на монетарната политика на Федералните резерви.
Златото за испорака во април во текот на денешното тргување забележа врв на 1.275,82 долари за унца, највисоко ниво од 27 јануари, а подоцна се стабилизираше на 1.272,86 долари за унца.
Поддршката најверојатно ќе ја тестира на 1.252,20 долари за унца, дното од 5 февруари и отпор на 1.279,20, врв од 26 јануари.
Во петокот беа објавени податоците кои покажаа дека во американската економија се отворени 113.000 работни места во јануари, додека се очекуваше зголемување за 185.000 по растот од 75.000 во декември.
Во декември и јануари се забележани најниски резултати во текот на последните три години, бидејќи временските неприлики влијаеја на забавувањето на вработувањата.
Сепак, извештајот исто така покажа дека во текот на минатиот месец бројот на работната сила забележа голем скок на 63% од 30-годишното ниско ниво на 62.8%, додека стапката на невработеност неочекувано падна на 6.6%, од предходните 6.7% во месец декември.
Инвеститорите се фокусирани на обраќањето во Конгресот на новиот претседател на Федералните резерви, Џенет Јелен, во текот на оваа недела, во обид да се предвиди иднината на американската монетарна политика.
Федералните резерви го намалија обемот на својата програма втор пат по ред на 65 милијарди, намалување за 10 милијарди долари.
Цената на среброто за испорака во март порасна на 20.16 долари за унца. Најверојатно поддршка ќе најде на 19.75 долари за унца, дното од 7 февруари и отпор на 20.25 долари за унца, врвот од 5 февруари.
За било какво користење на материјалот превземен од сајтот на Адмирал Маркетс,
