Со натпреварот МЗТ Скопје Аеродром – Струмица попладнево од 17 часот и 30 минути во салата „Билјанини Извори“ во Охрид ќе започне завршниот турнир од Купот на Македонија 2014.
Во вториот денешен натпревар играат Кожув и Фени Индустри (почеток 20:30 часот).
Победниците од овие два четвртфинални натпревара ќе ја сочинуваат првата полуфинална двојка која ќе игра во сабота од 17 часот и 30 минути.
Четиридневниот турнир ќе продолжи утре со другите два четвртфинални натпревари:
Работнички – Куманово и Лирија – Карпош Соколи.
Бранител на трофејот е МЗТ Скопје Аеродром.
