Англискиот шампион Манчестер Јунајтед е подготвен да даде 45 милиони евра за португалскиот талент Вилијам Карваљо во текот на летото и уште еднаш да го скрши клупскиот рекорд, откако оваа зима плати 44,73 милиони евра за Хуан Мата од Челзи.
Споменатата сума од 45 милиони евра е зачувана како ослободувачка клаузула во договорот на 21-годишниот играч од средниот ред, кој е врзан со Спортинг Лисабон до летото 2018-та година. Според англиските медиуми интерес кон халфот има уште од Реал Мадрид и Барселона, но тој засега е занемарлив, а Манчестер Јунајтед ги следи настапите на фудбалерот кој потекнува од Ангола и несомнено ќе сака да го привлече во следниот преоден рок.
„Не сме заинтересирани овој играч да го напушти клубот“ , изјави спортскиот директор на Спортинг, Бруно Карваљо кој нема роднинска врска со игрчот и истите презимиња.
Тој, сепак, е целосно свесен дека Вилијам Карваљо го разбудил интересот на големите европски клубови и Спортинг нема што да направи, ако друг тим се согласи да ги плати овие 45 милиони евра кои стојат во клаузулата од договорот на Карваљо.
