Британската фунта ги избриша добивките во однос на американскиот долар по објавувањето на податоците кои покажаа дека годишната стапка на инфлација на потрошувачките цени во Велика Британија забавила во декември и падна на најниско ниво од ноември 2009 година.
Парот GBP/USD во текот на денешното тргување забележа цена од 1.6447, а подоцна се консолидираше на 1.6418.
Тој најверојатно ќе најде поддршка на 1.6345 (долната граница од вчера) и отпор на 1.6508 (врвот од вчера).
Инфлацијата на потрошувачките цени во Велика Британија забави во декември на 2% од 2.1% во ноември, додека аналитичарите очекуваа да остане непроменета.
На месечно ниво е забележан раст на инфлацијата од 0.4% во декември, а очекувањата беа раст од 0.5%.
Основната инфлација, која ги исклучува трошоците за храна, енергија, алкохол и тутун, порасна за 1.7% во декември после растот од 1.8% во ноември.
Инфлацијата на производните цени во Британија порасна за 0.1%, а предвидувањата беа пад за 0.2% после падот од 0.7% во месец ноември.
Британскиот индекс на цената на недвижности се зголеми за 5.4% во ноември, а се очекуваше раст за 5.9%, после порастот од 5.5% во октомври.
Еврото зајакна во однос на фунтата, па EUR/USD се искачи на 0.8326.
Индустриското производство во евро зоната во месец ноември порасна за 1.8%, а се очекуваше раст од 1.4% после падот од 0.8% во октомври. На годишно ниво е забележана стапка на раст од 3%, додека се предвидуваше раст за 1.4%.
Во однос на франкот и јенот, фунтата забележа благо зголемување. GBP/CHF се искачи на 1.4811, а GBP/JPY порасна на 170.20.
