Тимот на Јувентус е на добар пат да се здобие со услугите на Немања Видиќ, кој по се изгледа ќе се раздели со Манчестер Јунајтед на крајот на сезоната, пренесуваат медиумите во Италија.
Како што е познато договорот на српскиот интернационалец истекува на крајот на сезоната, но од „црвените ѓаволи“ нема индикации за обновување на истиот.
Неименувани извори велат дека италијанскиот шампион е подготвен да го прифати со „отворени раце“ Видиќ, кој тогаш ќе биде слободен агент. Истиот извор тврди дека „бјанконерите“ се подготвени да му понудат 3-годишен договор на репрезентативецот на Србија.
Истовремено, според различни информации, интерес кон 32- годишниот дефанзивец пројавуваат и Фиорентина и Галатасарај.
Потсетуваме дека неодамна се појавија гласини дека менаџерот на тимот од „Олд Трафорд“, Дејвид Мојс има намера да се раздели уште со Патрис Евра и Рио Фердинанд, како и со уште неколкумина фудбалери од кои тој не е задоволен.
