Токио, 9 јануари 2014 (МИА) – Лексус официјално го претстави својот нов спортски модел РЦ Ф Купе, најавувајќи дека ќе биде придвижуван од најмоќниот В8 мотор што некогаш е развиен од компанијата.
РЦ Ф Купе премиерно ќе виде прикажан на Саемот на автомобили во Детроит. Лексус, сепак не објави детални технички информации, освен дека моделот ќе биде придвижуван од петлитарски В8 мотор со 460 коњски сили.
Новиот Лексус ќе забрзува од 0 до 100 километри на час за 4,5 секунди и ќе достигнува максимална брзина од околу 300 километри на час.
РЦ Ф ќе може дополнително да се добие со карбонски каросериски компоненети и активен заден спојлер.Внатрешноста има нова инструмент табла, спортски седишта со кожа и алуминиумски педали.
