Менаџерот на Арсенал, Арсен Венгер продолжува со обидите да привлече нов напаѓач. Според весникот „A Bola“ главната трансфер цел на „топџиите“ е голгетерот на Порто, Џексон Мартинез.
Изданието дури и тврди дека англискиот клуб веќе упатил официјална понуда за 27-годишниот напаѓач. Предлогот е во вредност од 40 милиони евра – колку што изнесува ослободителната клаузула во договорот на колумбиецот.
Од Порто му нудат нов договор на Мартинез, нормално затоа што сакаат да ја зголемат оваа сума, но самиот фудбалер е против.
Тој се надева дека ќе премине во некој клуб од Англија уште до крајот на месецот, а не во текот на летото. Освен Арсенал, за голгетерот на Порто се интересира и Челзи.
Во оваа сезона Џексон Мартинез има 12 гола во 14 натпревари од португалското првенство.