Францускиот весник „Ле Паризиен“ сензационално напиша дека ПСЖ е подготвен да ја активира клаузулата од 250 милиони евра, која може да го доведе Лионел Меси во Париз.
Аргентинецот сепак не е подготвен да си замине од „Ноу Камп“, барем засега. Се очекува трансферот да се случи во летниот преоден рок, но останува да се види што точно ќе се случи на крајот од сезоната.
Истовремено, Лионел Меси е на неколку дена од конечното закрепнување по мускулната повреда која го извади од игра месец и половина.
Аргентинската ѕвезда ќе се врати од Буенос Аирес во Барселона во првите денови на 2014-та, а на 5-ти јануари се очекува да се најде во тимот за пресметката против Елче.
Според последните информации, Меси ќе биде 100 проценти подготвен за дербито против второпласираната екипа во Шпанија (Атлетико Мадрид) на 11-ти јануари.
