Ракометната Федерација на Македонија денеска на ја промовираше новата опрема што репрезентативците ќе ја носат на натпреварите на Европското првенство во Данска.
Дресовите се во црвена, основниот и жолта и бела боја резервните.
– Сакам да го изразам задоволство што ја продолжуваме соработката со Орка Холдинг и „Ли Нинг“, па во Данска одново ќе ја носиме истата опремата, истакна на денешната прес-конференција претседателот на РФМ, Живко Мукаетов.
На прес-конференцијата беше објавено дека продолжува и соработката на националниот тим со „Аџибадем Систина“ во областа на медицинските услуги.
Двајцата репрезентативци Филип Лазаров и Филип Миркуловски изразија задоволство од продолжување на соработката со „Орка“ и со „Систина“.
– Во името на сите репрезентативци сакам да го изразам задоволството со продолжувањето на соработката со „Аџибадем Систина“, таа соработка за нас е од огромно значење, рече Лазаров.
– Со влегувањето на спонзорите почнаа и нашите успеси, тие носат професионалност што на нас како спортисти ни е многу потребна. Опремата на „Ли Нинг“ ни донесе среќа во Србија, се надевам дека тоа ќе биде случај и во Данска, додаде Миркуловски.
Европското првенство во Данска ќе се одржи од 12 до 26 јануари 2014 година.
