Тимовите на Манчестер Јунајтед и Арсенал се на пат да влезат во трансферна битка за потписот на играчот за врска на Јувентус, Клаудио Маркизио.
Според информациите кои се појавија во италијанските медиуми, двата клуба имаат сериозен интерес кон Маркизио и ќе направат се за да го привлечат во своите редови.
Менаџерот на „црвените ѓаволи“ Дејвид Мојс одамна има желба да го засили средниот ред. Името на Маркизио не за прв пат се поврзува со трансфер во насока на „Олд Трафорд“, но за прв пат се појавува и варијантата тој да се пресели на „Емирати“.
Во исто време, Јувентус веќе го „врза“ Артуро Видал со долгорочен договор, а истото се очекува наскоро да се случи и со Пол Погба и Андреа Пирло. Во оваа ситуација, сепак иднината на Маркизио останува под знак прашалник и нема ништо чудно и да дојде до негов трансфер во насока кон Англија.
