Тренерот на Барселона Херардо Мартино размислува да го напушти клубот на крајот на сезоната. Оваа сензационална вест денеска ја објави каталонскиот весник „Ел Мундо Депортиво“, повикувајќи се на аргентинскиот новинар Фабијан Годо.
Според информациите, Мартино не успеал да се адаптира на клубот и животот во Барселона. Стратегот се пожалил пред своите блиски, дека се покажал неподготвен за работа под силен медиумски притисок.
Заедно со тоа, на Мартино му е преку глава од постојаните споредби со Пеп Гвардиола и од постојаните критики на своја адреса. Токму поради овие причини, аргентинецот би требало да остане на „Ноу Камп“ до крајот на сезоната, а потоа да си ги собере куферите и да се врати во својата татковина.
