Фудбалската ѕвезда на Реал Мадрид, Кристијано Роналдо официјално го отвори музејот во Мадеира, во кој се наоѓаат сите заработени колективни и индивидуални награди.
Посетителите можат да видат 150 трофеи – од неговата прва награда во 1993-та година како дете со Андоринја до „Златната топка“, „Златната копачка“ и титулите со Манчестер Јунајтед и Реал Мадрид, како и во Лигата на Шампионите.
„За мене е чест да имам свој музејот во градот во кој сум роден. Несакам да издвојувам ниту една награда. Сите се многу посебни и им ги должам на соиграчите. Очекувам да освојам многу повеќе“, изјави „CR7“.
„Да, има место за „Десеттата“. Очекувам да ја освојам уште оваа сезона“, изјави тој со насмевка.
Запрашан за претстојната награда за „Златната топка“, голгетерот одговори:
„За мене е само еден трофеј. ( … ) Дали ќе одам на церемонијата? Разговарав со клубот за оваа тема, па ќе видиме што ќе се случи“.
За групата за Светското првенство во Бразил Роналдо рече:
„Сакаме да направиме силен Мундијал. Имаме тешка група и треба да го дадеме најдоброто за да стигнеме далеку“.
Местото во кое се величат спортските успеси и достигнувања на португалскиот фудбалер, воедно е и место со кое би требало во неговиот роден град да се подигне туризамот на повисоко ниво.
