„Audi“ на саемот за автомобили во Детроит во јануари 2014-та година ќе прикаже концептно возило кое претставува комбинација на кросовер и спортски автомобил.
Покрај цртежот на возилото, „Audi“ објави и неколку информации со напомена дека станува збор за концепт кој во себе ги комбинира визуелните елементи на идните спортски модели на овој производител.
Автомобилот на цртежот има робусен, спортски изглед и е со три врати. Долг е 4,2 m и има „Quattro“ погон на сите четири тркала.
Со подигнатото растојание од земја и ниската купе силуета, концептот е опремен и со 19 инчни бандажи од лесна легура, како и алуминиумска заштита на подвозјето.
Ентериерот на автомобилот е во спортски и минималистички манири.
Се претпоставува дека новиот концепт би може да биде вовед во некои од продукциските купе-кросовери кои би конкурирале на моделите како што се „BMW“ „X6“ и „X4“, за што автомобилските медиуми веќе подолго време говорат.
