Малопродажните цени на бензините и дизелот од ноќеска на полноќ се зголемуваат за 1,5 денар.
Според Одлуката на Регулаторната комисија за енергетика, новата цена на Еуросупер БС-95 ќе изнесува 78 денари за литар, на Еуросупер 98 ќе биде 80 денари, a на Еуродизелот 70 денари.
Цената на Екстра лесното масло за домаќинство се зголемува за два денара и ќе изнесува 59 денари за литар.
Се зголемува и малопродажната цена на мазутот М-1 НС кој ќе се продава по 41,09 денари за килограм.
