„Ford“ објави дека ќе покаже „нешто посебно“ на Саемот за автомобили во Детроит во 2026-та година и многумина веруваат дека тоа би можело да биде нов „GT“.
„GT“ е едно од најпознатите имиња во историјата на „Ford“, а според најновото соопштение на компанијата, наследникот можеби веќе е во изработка.
Оригиналниот „GT40“ е роден од злоба, „Ford“ го изградил со една цел: да го победи „Ferrari“ во Ле Ман, по неуспешниот обид да ја купи италијанската компанија.
И не само што успеа, туку триумфираше на познатата трка во 1966-та година, освојувајќи ги првите три места.
Сепак, тоа не беше крај на доминацијата. „GT40“ продолжи да победува, победувајќи на Ле Ман четири години по ред, од историската победа во 1966-та до 1969-та година.
Ќе поминат децении пред „Ford“ да го оживее својот супер автомобил со среден мотор. Новиот „GT“ беше претставен кон крајот на 2004-та година, иако никогаш официјално не се натпреваруваше во трка.
Сепак, неговото тркачко наследство беше јасно на прв поглед. Производството заврши во 2006-та година, а потоа следеше пауза од една деценија пред појавата на сосема нова генерација.
За разлика од својот претходник, модерниот „GT“ го означи враќањето на „Ford“ на патеката Ле Ман. Како и легендарниот „GT40“ од 1960-тите, овој модел имаше и успешна кариера во трките на издржливост.
Веќе на своето прво појавување на 24-часовната трка Ле Ман во 2016-та година, „Ford“ повторно го надмина „Ferrari“ и ја освои класата „GTE-Pro“.
