Најбогатиот Кинез ќе инвестира во лидерот во италијанската Серија А, Рома, објави финансискиот весник „Il Sole 24 Ore“.
Најбогатитот Кинез ќе инвестира во Рома?
Според изданието, 58-годишниот Ванг Џианлин кој има лично богатство од 14 милијарди долари, остварил средба со претседателот на Рома, Џејмс Палота и со претставници на „Уникредит“ Њујорк. Тие разговарале заз големување на капиталот на компанијата „Neep Roma Holding“ која го поседува тимот. 69 проценти од неа му припаѓаат на Палота и негови американски пријатели, а останатите 31 процент се во сопственост на банката.
Џианлин е сопственик на најголемата компанија за изградба на деловен простор во Кина – „Wanda Group“. Тој сака да се прошири во САД и Европа. Неговите најголеми страсти надвор од бизнисот се уметноста и фудбалот. Тој и даде 17 милиони долари на кинеската фудбалска федерација. За уметност, пак, е уште повеќе великодушен. Сликата на Пикасо „Клод и Палома“ беше купена од него за сума од 28 милиони долари, за што си навлече куп критики во татковината.
Бидејќи специјалитет на Џианлин е градежништвото, тогаш логично претпоставките се дека со неговото влегување во управата на Рома ќе стартува изградбата на нов стадион за „волците“.