Селекторот на Шпанија, Висенте дел Боске одлучи да остане на функцијата, откако потпиша нов двегодишен договор со Шпанската фудбалска федерација.
Дел Боске ќе ја предводи Шпанија и на ЕУРО 2016
Претходниот договор на 62-годишниот стратег истекуваше по завршувањето на Светското првенство во Бразил следната година.
„Можам да потврдам дека потпишав нов договор до 2016-та година. Така сега без поголем притисок можеме да ги започнеме подготовките за Мундијалот во Бразил, а и потоа и за натпреварувањето на Стариот континент“, изјави денеска на прес-конференција селекторот на „црвената фурија“.
Дел Боске го замени Луис Арагонес на функцијата по Евро 2008, а подоцна под негово раководство Шпанија ја освои светската титула во 2010-та, а минатата година ја одбрани и европската титула.