Најголемата аквизиција на OpenAI навестува нова ера, спојувањето на Џони Ив и Сем Алтман носи револуционерен уред со вештачка интелигенција
OpenAI објави дека ја презема стартап компанијата io, која ја основа легендарниот, поранешен главен дизајнер на Apple, Џони Ајв, за дури 6,5 милијарди долари. Ова е најголемата аквизиција во историјата на OpenAI и го означува нејзиниот официјален влез во светот на хардверот, по глобалниот успех со софтверската платформа ChatGPT.
Џони Ајв и извршниот директор на OpenAI, Сем Алтман ја основаа компанијата, со идеја да развијат сосема нов вид уред со вештачка интелигенција што би можел да го редефинира начинот на кој луѓето комуницираат со технологијата. По аквизицијата, сите 55 дизајнери и инженери од io се префрлаат во OpenAI, вклучувајќи ги и поранешните директори на Apple како што се Еванс Ханки, Танг Тан и Скот Кенон.
Џони Ајв е познат како клучна фигура зад најважните производи на Apple: iPhone, iPad, Mac и Apple Watch. Тој се смета за еден од луѓето кои го обликуваа современиот Apple, особено за време на неговата соработка со Стив Џобс, од неговото враќање во компанијата во 1997 година, па сè до заминувањето.
Иако сè уште е дел од OpenAI, другата дизајнерска фирма на Ајв, LoveFrom, ќе продолжи да работи независно, но ќе продолжи да обезбедува креативна и техничка поддршка на OpenAI, како во развојот на софтвер, така и во развојот на хардвер.
Клучот за оваа соработка е градење на „платформа за хардвер со вештачка интелигенција од следната генерација“. Според гласините, првиот производ би можел да биде лансиран во 2026 година, а се шпекулира дека тоа ќе биде уред кој не користи традиционален екран. Во претходните интервјуа, Ајв и Алтман нагласија дека нивната цел не е да го заменат iPhone-от, туку да создадат сосема нова категорија уреди, исто како што паметниот телефон не го замени лаптопот, туку воведе поинаков начин на користење на технологијата, пишува LTN.
