Старбакс, еден од најпознатите синџири на кафетерии во светот, ја отвора својата прва кафетерија изградена со 3D печатење. Објектот се наоѓа во градот Браунсвил, Тексас, и се простира на површина од 130 квадратни метри.
Во соработка со германската градежна фирма Пери 3D Констракшн, Старбакс го реализираше овој проект користејќи напредна технологија за бетонско 3D печатење. Отвори за врати и прозорци беа оставени во ѕидот, кои потоа беа инсталирани и интегрирани во структурата.
Работите започнаа во декември 2024 година. Надворешниот слој на зградата се карактеризира со видливи хоризонтални линии, што е резултат на процесот на 3D печатење, додека препознатливи знаци на брендот се поставени на фасадата.
Зградата има рамен покрив, а функционални елементи како што се пергола за drive-thru и рекламни знаци се наоѓаат на нејзината надворешност. Ова кафуле е дизајнирано исклучиво како место за нарачување и подигање кафе од возилото, без класичен простор за седење.
Претставниците на компанијата истакнаа дека „Старбакс“ постојано бара нови локации со цел да се доближи до потребите на потрошувачите и дека се среќни што нивната прва продавница печатена со 3Д печатење ќе биде отворена во текот на пролетта 2025 година.
Во последно време, 3Д печатењето се повеќе се користи во изградбата на станбени и деловни згради во Тексас. Еден таков проект е „Вимберли Спрингс“, кој го спроведува компанијата ICON.
